Nangako ng $26.5 milyon ayuda ang United States sa Pilipinas, partikular sa law enforcement agencies para paigtingin ang laban sa terorismo.
Ayon sa US Embassy, magbibigay ang US ng mga kagamitan, pagsasanay at iba pa sa susunod na dalawang taon para mapalakas ang kapasidad ng Pilipinas kontra terorismo.
Palalakasin din nito ang imbestigasyon ng mga ahensya at usigin ang mga terorista.
Ipinahayag ng embahada na ang pagbibigay-ayuda ng US sa law enforcement ay naaayon sa pangako nito na palakasin ang kakayanan ng Armed Forces of the Philippines kontra terorismo.
MOST READ
LATEST STORIES