Heavy rainfall warning nakataas pa rin sa apat na lalawigan sa Luzon

Nananatiling nakataas ang heavy rainfall warning sa Luzon dahil sa tuluy-tuloy na pag-ulang nararanasan dulot ng Habagat.

Sa rainfall advisory na itinaas ng PAGASA alas 8:00 ng umaga, yellow warning level ang nakataas sa Nasugbu, Lian, at Tuy sa Batangas at sa mga lalawigan ng Cavite, Zambales, at Bataan.

Nagbabala ang PAGASA ng posibleng pagbaha sa mabababang lugar.

Samantala, light hanggang moderate at kung minsan ay malakas na buhos ng ulan naman ang nakaaapekto sa Metro Manila, bahagi ng Bulacan, Rizal, Laguna at northern Quezon.

Muling maglalabas ng rainfall advisory ang PAGASA mamayang alas 11:00 ng umaga.