Ayon kay Presidential Spokesman Harry Roque, malinaw ang mensahe ng pangulo sa mga lider ng kamara at senado na ayaw niyang ipagpaliban ang eleksyon para lamang bigyang-daan ang charter change.
Sinabi pa ni Roque, na nais ng pangulo na sundin ang isinasaad sa Saligang Batas gaya halimbawa ng pagdaraos ng midterm elections sa 2019.
Samantala, ang pulong nina Pangulong Duterte at Malaysian Prime Minister Mahathir Mohammad sa Malaysia ay magaganap alas 3:00 ng hapon.
Ilan sa mga isyung tatalakyin ay patungkol sa seguridad at terorismo.
Tumanggi ang Malaysian Government na masaksihan ng delagado ng pangulo ang pagpupulong ng dalawang lider.
Dahil dito wala nang press briefing si Presidential Spokesperson Harry Roque at mauunang uuwi na ng bansa ngayong araw dahil siya mismo ay hindi pinayagan na makadalo sa pagpupulong.