Arestado sa ikinasang operasyon ng Quezon City Police District (QCPD) ang apat na lalaki sa naturang lungsod.
Isinagawa ang operasyon alas 2:20 ng madaling araw ng Lunes sa bahagi ng Barangay Doña Imelda, kung saan nadakip ang mga suspek na sina Roger Desor, 46 anyos; Miguel Sandico, 27 anyos; Dexter Dimzon, 32 anyos; at si John Rey Mendoza.
Ikinasa ang operasyon matapos makatangap ng ulat ang mga otoridad na ginagawang drug den ang bahay ni Dimzon sa #28 Palanza Dtreet sa nasabing Barangay.
Nang dumating sa bahay ang mga pulis ay naaktuhan nila ang mga suspek na nagpa-pot session.
Nakuha mula sa kanila ang tatlong maliliit na plastic sachet ng shabu dalawa pang unsealed na plastic sachet ng shabu at mga drug paraphernalia.