Nanatiling pinakamayaman na kongresista si 1PACMAN party-list Rep. Michael Odylon Romero para sa taong 2017 batay sa kanyang statements of assets, liabilities, and net worth (SALN).
Idineklara ng kongresista ang P7.29 bilyong net worth na mas mataas ng P282 milyon sa kanyang P7.009 bilyong net worth noong 2016.
Dahil dito, siya ang pinakamayaman sa 292 miyembro ng Mababang Kapulungan.
Narito ang 10 mambabatas na may pinakamataas na net worth base sa kanilang 2017 SALN.
- 1-PACMAN party-list Representative Michael Odylon Romero – P7.29 billion
- DIWA party-list Representative Emmeline Aglipay-Villar – P1.407 billion
- Negros Occidental 3rd District Representative Albee Benitez – P1.004 billion
- Ilocos Norte 2nd District Representative Imelda Marcos – P920 million
- Quezon City 4th District Representative Feliciano Belmonte Jr. – P861 million
- Manila Teachers party-list Representative Virgilio Lacson – P791 million
- Marikina City 1st District Representative Bayani Fernando – P739 million
- Batangas 6th District Representative Vilma Santos-Recto – P538 million
- Davao Del Norte 2nd District Representative Antonio Floirendo – P523 million
- Leyte 1st District Representative Yedda Marie Romualdez – P478 million
May pinakamababang net worth naman si Kabataan Rep. Sarah Elago na mayroon lamang P75,800 na sinundan ni Gabriela Rep. Arlene Brosas sa P514,560.
Samantala, pang-50 naman sa listahan si House Speaker Pantaleon Alvarez na may net worth na P91.69 milyon, mas mataas ng P86.49 milyong idineklara niya noong 2016.
Si House Majority Leader Rodolfo Fariñas naman na nasa ika-30 pwesto ay mayroong net worth na P169.98 milyon na sinundan si Minority Leader Danilo Suarez sa ika-29 na pwesto at may P173.11 milyon.