1 sundalo patay, 11 sugatan sa engkwentro sa Abu Sayyaf sa Sulu

Patay ang isang sundalo habang sugatan ang 11 iba pa sa engkwentro laban sa mga hinihinalang myembro ng Abu Sayyaf group sa Sulu.

Ayon sa Western Mindanao Command, tinatayang 60 bandido ang nakasagupa ng 32nd Infantry Battalion sa Barangay Panglayahan, Patikul Miyerkules ng gabi.

Tumagal nang dalawang oras ang bakbakan.

Kritikal ang kondisyon ng isa sa 11 sundalo na nasugatan.