Umano’y lider ng NPA, patay sa pamamaril sa North Cotabato

Pinagbabaril sa harap ng kanyang asawa’t mga anak ang pinaniniwalaang lider ng New People’s Army (NPA) sa Magpet, North Cotabato.

Nasawi ang biktimang si Dominador Favian.

Ayon kay Chief Inspector Jose Molina, hepe ng Mapet police, sinabi ng asawa ng biktima na si Jocelyn Favian na pinasok ng armadong grupo ang kanilang bahay.

Ani Jocelyn, nagmakaawa sila ng kanilang mga anak sa mga suspek pero pinagbabaril pa rin si Dominador.

Tinatayang 10 kalalakihan ang nasa likod ng insidente.