Publiko, hindi dapat maalarma sa kaso ng patayan sa ilang local officials – PNP

Tiniyak ng Philippine National Police (PNP) na walang dapat ikaalarma ang publiko kasunod ng pagpaslang sa tatlong lokal na opisyal sa bansa.

Sa isang panayam, sinabi ni PNP chief Director General Oscar Albayalde na hindi dapat mangamba rito. Hindi rin aniya ito hahantong sa pagdedeklara ni Pangulong Rodrigo Duterte ng martial law sa buong bansa taliwas sa mga sinasabi ng ilang kritiko. Dagdag pa nito, walang kinalaman ang mga kaso sa sinasabing planong destabilisasyon ng ibang sektor sa gobyerno. Matatandaang magkakasunod na pinatay sina Tanauan, Batangas City Mayor Antonio Halili, Gen. Tinio, Nueva Ecija Mayor Ferdinand Bote at Trece Martires, Cavite Vice Mayor Alexander Lubigan noong nakaraang linggo.