LOOK: Yellow warning level itinaas ng PAGASA sa Batangas at Bataan

Nagtaas ng heavy rainfall warning ang PAGASA sa lalawigan ng Batangas at Bataan.

Sa rainfall advisory ng PAGASA na inilabas alas 8:00 ng umaga, yellow warning ang umiiral sa dalawang lalawigan.

Light hanggang moderate at kung minsan ay malakas na buhos ng ulan naman ang iiral pa rin sa Metro Manila, Laguna, Rizal at Bulacan sa susunod na 1 hanggang 2 oras.

Ang nasabing lagay ng panahon ay nararanasan na rin sa Cavite at Southern Zambales.

Muling maglalabas ng rainfall advisory ang PAGASA mamayang alas 11:00 ng umaga.