Sugatang dolphin nasagip sa Pangasinan

Isang sugatang dolphin ang nasagip ng mga residente sa Bolo Beach sa Alamimos City, Pangasinan.

Ayon kay Toots Orfinada ng Hundred Islands National Park, wala nang ngipin ang nasagip na dolphin.

Nabatid na may sugat din sa likod ang naturang dolphin.

Dinala na ngayon sa Karias Island ang dolphin para lapatan ng lunas.

Ayon kay Orfinada, masyadong mahina para pakawalan agad sa dagat ang dolphin na may haba na dalawang metro.

Nabatid na noong July 2 lamang, isang dolphin na may haba na 1.8 meter ang nasagip rin ng mga otoridad sa parehong lugar.