Restaurant sa Quezon City, nasunog

Nasunog ang isang restaurant sa Timog Avenue, sa Quezon City.

Ayon sa Bureau of Fire Protection o BFP, dakong 11:30 ng Sabado ng gabi nang mag-umpisa ang sunog sa Le Ching Tea House.

Itinaas ito sa unang alarma, kaya agad na rumesponde ang mga bumbero.

Ngunit wala pang isang oras ay idineklara nang fire-out ang sunog.

Hindi pa tukoy ang sanhi ng sunog, pero iniimbestigahan na ito ng mga otoridad.