Leyte, niyanig ng lindol; Intensity I, naitala sa Catbalogan City

Niyanig ng magnitude 3 na lindol ang Leyte, Sabado ng umaga.

Batay sa inilabas na impormasyon ng Phivolcs, tumama ang lindol sa layong 2 kilometers South ng Capoocan dakong 10:26 ng umaga.

Tectonic ang pinagmulan ng lindol na may lalim na 6 kilometers.

Bunsod nito, naitala ang Intensity I sa Catbalogan City.

Wala namang napaulat na nasirang ari-arian.

Wala ring inaasahang aftershocks matapos ang pagyanig.