Dinukot ang tatlong Pilipino at isang Koryano ng hindi pa nakikilalang armadong grupo sa isang water plant sa Libya.
Batay sa ulat, dinukot din ang ilang Libyan workers sa Al-Hassouna plant ngunit kalaunan ay pinalaya rin.
Sa isang pahayag, kinumpirma ng Great Man-made River Project ang pagdukot sa mga biktima at humiling sa agarang pagpapalaya ng mga ito.
Pare-parehong nagtatrabaho ang mga biktima bilang technician sa nasabing planta.
Hindi naman binanggit kung ang Koryano ay mula sa North Korea o South Korea.
Matatandaang may presensya ng ilang armadong grupo at mga militanteng Islamist na konektado sa al Qaeda at Islamic State sa nasabing bansa.
MOST READ
LATEST STORIES