Sundalo patay sa engkwentro vs BIFF sa Maguindanao

Patay ang isang sundalo sa Mamasapano, Maguindanao matapos makasagupa ang Bangsamoro Islamic Freedom Fighters (BIFF).

Hindi naman pinangalanan ni Major Arvin Encinas, tagapagsalita ng 6th Division ng Army, ang nasawing sundalo dahil ipapaalam muna ito sa kanyang pamilya.

Ayon kay Encinas, isang junior officer ang nasawi sa gitna ng clearing operations sa lugar nang makaharap ang BIFF.

Umarangkada ang opensiba ng militar kontra BIFF noong weekend kung saan target nila ang paksyon ni Abu Turaipe na nakipag-alyansa na sa teroristang grupong ISIS.