Pulis na sangkot umano sa pag-recycle ng mga shabu, patay sa operasyon

Napatay sa buy-bust operation ang isang pulis na inakusahan ng oagre-recycle ng mga nasabat na shabu sa Morong, Rizal,

Ikinasa ng Counter-Intelligence Task Force at ng Intelligence Group ng Philippine National Police at ng Philippine Drug Enforcement Agency ang operasyon laban kay PO2 Gemmo Meneses dakong alas-4:20 kahapon.

Nauwi sa engkwentro ang buy-bust operation matapos matunugan ni Meneses na pulis ang kanyang katransaksyon.

Itinakbo pa sa ospital ang suspek na pulis ngunit patay na ito pagdating doon.

Si Meneses ay nakatalaga sa Morong Police Station.

Ayon sa CITF, na-validate nila ang impormasyon mula sa PNP INtelligence Group na ipinakakalat umano ni Meneses ang mga nasabat na shabu sa mga tulak ng droga sa lugar.