Retro ang tema ng music video kung saan old-school ang fashion ng pop star royalty na bagay sa kanyang rendition ng ‘70s hit na “Kiss Me, Kiss Me” na pinasikat ng dating child star na si Efren Montes.
Ang kanta na isinulat ni Jessie Saclo ang opisyal na theme song ng pelikula.
Nagpahayag ang fans ng kasiyahan sa music video at sinabing parang ibinalik ni Geronimo ang panahon ng superstars na sina Nora Aunor at Vilma Santos.
Nakapagtala na agad ng 6.3k likes ang music video sa Youtube.
Gaganap bilang isang matandang nag-anyong bata si Geronimo sa Miss Granny kung saan siya ang batang bersyon ni Nova Villa na hangad ay lumigaya.
Ang “Miss Grany” ay isang pelikulang nagmula sa South Korea na ini-remake ng Viva Films sa direksyon ni Binibining Joyce Bernal at tampok din sina James Reid at Xian Lim.
Samantala, hindi pa inaanunsyo ng Viva ang kung kailan ipalalabas sa sinehan ang pelikula.