Sa mahigit na dalawang linggo na pagpapatupad ng anti-tambay campaign sa Metro Manila, umabot na sa 28,000 ang naaresto.
Sa datos mula sa NCRPO mula Hunyo 13 hanggang kaninang madaling araw, 8,308 o 30 porsiyento sa mga hinuli ay lumabag sa smoking ban.
May 6,547 o 23.31 percent ay lumabag sa iba pang mga ordinansa.
Ang mga menor de edad na lumabag sa curfew hours ay 4,963.
Nasa 4,150 naman ang half naked o walang damit pang-itaas.
At 4,139 ang hinuli dahil sa pag-iinuman sa kalsada.
Sa limang distrito ng pulisya sa Metro Manila, ang Eastern Police District ang may pinakamalaking bilang na nahuli sa bilang na 11,937, kasunod ng Southen Police District at pangatlo ang Quezon City Police District.
Sinimulan ang anti-tambay campaign sa utos na rin ni Pangulong Rodrigo Duterte.