Halaga ng mga produktong petrolyo, muli na namang tataas ngayong araw

Kasado na ang panibagong pagtataas sa halaga ng mga produktong petrolyo ngayong araw.

Sa abiso ng mga oil companies, madaragdagan ng P0.55 ang presyo ng kada litro ng diesel, P0.65 sa bawat litro ng gasolina, at P0.70 naman sa kada litro ng kerosene o gaas.

Kabilang sa mga nag-anunsyo ng dagdag-singil ang mga kumpanyang Caltex, Flying V, Jetti, Petro Gazz, Petron, Phoenix Petroleum, PTT, Shell, at Unioil.

Epektibo ang naturang pagtataas sa halaga ng mga produktong petrolyo mamayang alas-6 ng umaga.

Dahil pa rin sa malikot na galaw ng krudo sa pandaigdigang merkado ang dagdag-singil sa presyo ng mga produktong petrolyo.