Thunderstorm advisory, itinaas ng PAGASA sa Zambales at Cavite

Nakataas ang thunderstorm advisory sa lalawigan ng Zambales at Cavite.

Ayon sa abiso na inilabas ng PAGASA alas 6:12 ng umaga, malakas na buhos ng ulan na mayroong kaakibat na pagkulog, pagkidlat at malakas na hanging ang mararanasan sa dalawang lalawigan sa susunod na dalawang oras.

Ang parehong sitwasyon ng panahon ay nararanasan naman na sa mga bayan ng Morong, Bagac at Limay sa Bataan.

Pinayuhan ng PAGASA ang mga apektadong residente na mag-ingat sa posibleng pagbaha na maidudulot ng pag-ulan.