Nagpulong sa demilitarized zone sa border ng North at South Korea ang mga opisyal mula sa Estados Unidos at North Korea.
Ito ay para plantsahin ang mga natalakay sa summit sa pagitan nina US President Donald Trump at North Korean Leader Kim Jong Un.
Ang team ng US ay pinangunahan ni US Ambassador to the Philippines Sung Kim na kamakailan ay pinabalik ng US mula sa Pilipinas para pangunahan ang preparasyon sa nagdaang summit.
It ang unang pagkakataon na nagkaharap ang opisyal ng dalawang bansa matapos ang summit noong June 12.
Ayon kay US National security adviser John Bolton, sa susunod na mga araw, makikipag-usap si US Secretary of State Mike Pompeo sa North Korea para sa pagwasak sa kanilang nuclear weapons.
Ani Bolton, kung magkakasundo, posibleng gawin ang pagwasak sa mga nuclear programs sa loob n gisang taon.
At kung tuluyan nang mawawala ang nuclear weapons ng NoKor, magreresulta naman ito sa pagbawi sa mga sanctions na ipinataw sa kanila ng Amerika.