18 na ang patay sanhi ng bagyong ‘Lando’

 

Umakyat na sa 18 ang bilang ng mga namatay sanhi ng pagragasa ng bagyong Lando sa Luzon.

Ayon sa NDRRMC o National Disaster Risk Reduction and Management Council, nasa 16 naman ang bilang ng mga nasaktan at may isang nawawala.

Naitala ang anim na nasawi sa Central Luzon samantalang lima naman ang namatay sa Cordillera Administrative Region o CAR.

Ang lalawigan aniya ng Nueva Ecija ang naapektuhan ng baha at ulan na idinulot ng bagyo.

Nasa 121, 841 pamilya aniya o 560,570 katao ang naapektuhan ng bagyo na nagmula sa Region I, II, III, IV-A Cordillera Administrative Region at National Capital Region.