FDA nagbabala sa publiko tungkol sa 5 food supplements

Nagbabala ang Food and Drug Administration (FDA) sa publiko tungkol sa pagbili at pagbebenta ng limang food supplements na hindi nakarehistro sa kanilang ahensya.

Ayon sa FDA, maaaring magdulot ng posibleng panganib sa kalusugan ang mga hindi rehistradong produkto dahil hindi tiyak ang kalidad at kaligtasan ng mga ito.

Partikular na tinukoy ng FDA ang mga sumusunod na produkto:

• Living Nutrition Buah Merah Miracle Red Fruit Food Supplement
• Ultimate Herbs Turmeric Luyang Dilaw Capsule
• Ultimate Herbs Activated Charcoal Capsule
• Ultimate Herbs Guyabano ‘Soursop’ Capsule
• Ultimate Herbs Mangosteen Capsule

Inabisuhan ng DFA ang publiko na huwag bilhin ang mga nasabing produkto.

Muli silang nagpaalala na maging mapanuri sa mga produkto na maaaring hindi rehistrado sa FDA.

Samantala, pinakikilos na rin ng FDA ang lahat ng ahensya ng gobyerno at siguruhing hindi na nabebenta ang mga produktong ito sa kanilang mga lugar.