Negosyante dinukot sa Laguna

Dinukot ang isang negosyanteng Chinese sa Cabuyao City, Laguna.

Nakilala ng pulisya ang biktima na isang 30 taong gulang na nasa kalakalan ng stainless steel.

Ayon sa pulisya, dakong 11:45 ng umaga ng Linggo, isinakay ng isang grupo sa van ang biktima sa Barangay Banlic.

Kinumpirma ng hepe ng Cabuyao police na si Supt. Arvin Avelino ang insidente, pero tumanggi siyang magbigay ng iba pang detalye.

Hawak na ng Anti-Kidnapping Group ng Philippine National Police ang kaso.