WATCH: Otis Bridge sa Maynila isinara sa mga motorista dahil sa mga bitak

Isinara sa daloy ng traffic ang Otis Bridge sa Paco, Maynila matapos makitaan ng mga bitak.

Pasado alas 12:00 ng madaling araw hindi na pindaanan sa anumang uri ng sasakyan ang tulay na kadalasang dinaraanan ng malalaking truck.

Nasa 20 talampakan ang haba ng nakitang crack sa kalagitnaan ng tulay.

Sa abiso ng MMDA sa mga motorista, pinayuhan ang mga itong iwasan na lamang ang lugar upang hindi maipit sa traffic.

Ayon sa City Disaster Office ng Maynila, pinangangambahang gumuho ang tulay dahil sa nakitang mga crack kaya maging ang tatlong pamilya na naninirahan sa ilalim nito ay pinaalis na din.