Mga kumpanya ng langis nag-anunsyo na ng rollback: P1.15/liter mababawas sa presyo ng gasolina

(UPDATE) Mahigit piso ang aasahang rollback sa presyo ng gasolina na epektibo bukas ng umaga, araw ng Martes, June 26.

Sa abiso ng mga kumpanya ng langis, P1.15 ang ipatutupad na bawas sa presyo ng kada litro ng gasolina, P0.90 sa kada litro ng diesel at P0.85 sa kada litro ng kerosene.

Pawang nag-anunsyo ng nasabing halaga ng rollback ang mga kumpanyang Shell, Caltex, Phoenix, Flying-V, SeaOil, Total at PTT.

Nauna naman nang nagpatupad ng rollback sa presyo ng produktong petrolyo, Sabado ng umaga ang kumpanyang Petro Gazz.