Tinalo ni Karen Grace Bernal Atienza ang nasa apatnapung kandidata mula sa iba’t ibang panig ng mundo.
Idineklara si Miss Ecuador bilang 1st runner-up, habang sina Miss Peru at Miss Thailand ang 2nd at 3rd runners-up.
Si Atienza ay 26-anyos na English teacher at tubong-Rodriguez, Rizal.
Nagtapos si Atienza bilang magna cum laude sa Technological Institute of the Philippines.
Hindi rin bago sa kanya ang pagsali sa beauty pageants, at sa katunayan ay itinanghal siya bilang 2nd runner-up sa Miss Tourism Philippines noong 2016.
Noong nakalipas na taon naman ay nakamit niya ang koronang Sapphire sa Jewel of the World Philippines.
Pero mas nakilala si Atienza makaraang mag-viral ang isang video sa social media kung saan isinayaw ng guro ang isang dance craze sa harap ng klase, nang siya’y udyukan ng mga estudyante nito.