Isa sa malalaking test sites sa NoKor winasak na

Inumpisahan na ng North Korea ang proseso ng denuclearization.

Ayon kay US President Donald Trump, sinira na ng NoKor ang isa sa malaking test sites nito.

Magandang panimula aniya ito sa pangakong denuclearization ng NoKor matapos ang pagpupulong nila ni Kim Kong Un noong June 12.

Sa ulat naman mula sa Pyongyang, sinabi ng mga mamamahayag doon na serye ng pagsabog ang nadinig mula sa bahagi ng Punggye-ri test facility sa North Hamgyong province.

Ang Punggye-ri ang naging staging ground sa anim na isinagawang nuclear tests ng NoKor kabilang ang pinakahuli noon lamang September 2017.

Ang nasabing mga pagsabog na nadinig ay ang proseso ng pagwasak sa test site.