Metro ng 29,000 na taxi isasailalim sa re-calibration

Isasailalim sa re-calibration ang metro ng 29,000 taxi para sa mas mataas na singil, ayon sa Land Transportation and regulatory Board.

Sisingil na ng P13.50 kada kilometro liban pa sa P40 na flag down.

Aalisin ang P2 waiting time, pero ipapalit dito ang singil na P2 kada minuto ng byahe.

Ayon kay LTFRB board member Aileen Lizada, tanging ang mga taxi na mayroong hailing apps gaya ng MyCab ang maaaring sumailalim sa recalibration para maiwasan ang mga manloloko.

Nakatakdang i-recalibrate ang taxi meters sa July.

Una nang inaprubahan ang pagbabago sa singil sa taxi sa huling bahagi ng 2017.