Duterte at PNP hinamon arestuhin ang mga tambay na Chinese sa WPS

Ipinahuhuli ni Bayan Muna Rep. Carlos Isagani Zarate kay Pangulong Rodrigo Duterte at sa Philippine National Police ang mga tambay sa West Philippine Sea.

Ayon kay Zarate, sa halip na mga tambay sa kalye ang targetin ng PNP mas makabubuti para sa bansa kung ang mga tambay sa West Philippine Sea ang palalayasin.

Dapat anyang pinupuntirya ng pamahalaan ang mga Chinese fisherman at coast guard dahil ang mga ito ang ‘’tambay’’ na perwisyo sa bansa lalo na sa mga maliliit na mangingisda.

Ang mga ito rin anya ang nakikinabang sa likas na yaman ng bansa sa West Philippine Sea.

Reaksyon ito ni Zarate kaugnay sa utos ng pangulo na arestuhin ang mga tambay sa lansangan.