Panibagong oil price hike epektibo ngayong araw

Ipapatupad ngayong araw ang panibagong dagdag-singil sa preyo ng mga prduktong petrolyo.

Tataas ng 20 sentimo kada litro ang halaga ng gasolina, habang 45 sentimo naman ang itataas sa presyo ng bawat litro ng diesel at kerosene o gaas.

Kabilang sa mga nag-anunsyo na magpapatupad ng naturang oil price hike ay ang mga kumpanyang Caltex, Eastern Petroleum, Flying V, Jetti, Petro Gazz, Petron, Phoenix Petroleum, Pilipinas Shell, PTT, SeaOil, at Total na epektibo mamayang alas-6 ng umaga.

Ang taas-presyo sa mga produktong petrolyo ay matapos ang dalawang linggong rollback. Ayon sa Department of Energy (DOE) ito ay bunsod ng patuloy na malikot na galaw ng presyo ng krudo sa pandaigdigang merkado.