Mga residente ng Maasin City naospital dahil sa kontaminadong tubig

Isinugod sa pagamutan ang ilang residente sa Maasin City matapos makainom ng kontaminadong tubig.

Nabatid na lasang gas ang tubig na dumaloy sa mga gripo.

Ayon kay Mayor Nacional Mercado, mayroong nakapasok sa main source ng Maasin City Water District.

Nagsasagawa na aniya ng imbestigasyon ang kanilang hanay para matukoy kung sino ang nasa likod sa insidente.

Sa ngayon, nagsagawa na ng decontamination at flushing procedure ang pamunuan ng water district para malinis ang supply ng tubig.