15 bahay nasunog sa Zamboanga City dahil sa nag-overheat na cellphone

Tinupok ng apoy ang labinglimang mga bahay sa Barangay Talon-talon sa Zamboanga City.

Ang sanhi ng sunog, pinaniniwalaang dahil sa nag-overheat ng charger ng cellphone.

Ayon kay Supt. Jhufel Brañanola, fire marshal ng Zamboanga City, nagsimula ang sunog alas 10:45 ng umaga ng Biyernes.

Base sa imbestigasyon, nag-overheat umano ang charger na iniwang nakasaksak lang sa loob ng bahay ng isang Lucia Duran.

Umabot sa labinglimang bahay ang natupok sa bahagi ng Little Tondo.

Wala namang nasaktan sa sunog pero tinatayang aabot sa P500,000 ang nasunog na mga ari-arian.