Truck at bus nagkabanggaan sa NLEX, ilan ang nasugatan

Ilang katao ang nasugatan sa karambola ng mga sasakyan na naganap sa North Luzon Expressway.

Naganap ang aksidente sa southbound lane ng NLEX, pagka-lagpas sa Sta. Rita Exit sa Bulacan.

Ayon sa traffic control ng NLEX, ang nagkabanggaan ang pampasaherong bus na Five Star at isang 6-wheeler truck na may lulang mga bakal.

May iba pang sasakyan na nadamay din sa aksidente.

Tatlong linya sa NLEX southbound ang naokupa ng nasabing aksidente kaya nagdulot ito ng matinding pagsisikip sa daloy ng traffic.

Agad namang nilapatan ng lunas ang mga nasugatan sa aksidente.

Patuloy ang imbestigasyon sa kung ano ang dahilan ng banggaan.