LOOK: Weekend road repair ng DPWH; ilang lansangan ang maaapektuhan

By: Donabelle Dominguez-Cargullo - 6 years ago

Isasailalim sa road repair ngayong araw hanggang sa Lunes ang ilang bahagi ng EDSA at iba pang kalsada sa Metro Manila.

Sa abiso ng Department of Public Works and Highways (DPWH) at Metro Manila Development Authority (MMDA) sisimulan ang road reblocking alas 11:00 ng gabi at tatagal hanggang alas 5:00 ng umaga sa Lunes, June 18.

Kabilang sa maaapektuhan ang mga sumusunod na kalsada:

Sa southbound

EDSA pagkalagpas ng Arayat St., third lane mula sa sidewalk
EDSA sa harap ng Francesca Tower hanggang makalagpas ng Sct. Borromeo, third lane mula sa center island

Sa northbound

EDSA malapit sa North Ave., MRT Station, second lane
Batasan Road, Commonwealth Ave., hanggang Kalinisan St., second lane
H Lacson Ave., malapit sa España

Pinayuhan naman ng MMDA ang mga motorista na iwasan ang nasabing mga lansangan para hindi maabala.