Mga Muslim sa Cebu City nagtipon-tipon para sa congregation prayer

Sa Cebu City, nagtipon-tipon din ang nasa halos 1,500 na mga Muslim para sa maagang congregation prayer na bahagi ng pagdiriwang ng pagtatapos ng Ramadan.

Alas 6:00 pa lang ng umaga nasa Plaza Independencia na ang mga nakilahok sa pagtitipon dala ang kanilang prayer mats.

May parehong aktibidad din na idinaos sa walo pang mga mosque sa lungsod.

Si Ustadz Salih Sarigan ang Imam na namuno sa congregation prayer sa Plaza Indepedencia na nagtapos din agad bago mag alas 8:00 ng umaga.

Sa datos ng Cebu City Office on Muslim Affairs, nasa 1,000 Muslim families o 8,000 Muslim individuals ang naninirahan sa lungsod.