Ito ang iniulat ni SPD Director Chief Supt. Tomas Apolinaro Jr. matapos maaprubahan nina PNP Chief Oscar Albayalde at NCRPO Chief Guillermo Eleazar ang rekomendasyon ng Oversight Committee.
Epektibo ang kautusan kahapon June 14, 2018.
Ayon kay Apolinario, sinibak ang Assistant Chief of Police for Operations (ACOPO) ng Taguig City Police Station at Pateros Police Station.
Bumagsak kasi sila sa evaluation matapos makapagtala ng mababang performance mula January hanggang Jun 10, 2018.
Dagdag pa ni Apolinario, ang Taguig City Police Station at Pateros Police Stations ay hindi nakapasa sa 4 na parameters na itinakda ng kumite kabilang na ang Crime Solution Efficiency; Enhanced Managing Police Operations (EMPO), Police Community Relations at War Against illegal Drugs.