Mga residente ng Colorado pinalilikas dahil sa wildfire

Pinalilikas ng National Forest Service ang mga residente ng halos 2,000 kabahayan dahil sa nagaganap na wildfire sa southwestern Colorado.

Sa tala ng naturang ahensya, 116 square kilometers na ang nasusunog, dahilan upang ipasara na ang San Juan National Forest na bahagi ng Four Corners Region.

Paliwanag ng mga otoridad, nakadagdag sa pagliliyab ang dry thunderstorms at malalakas na hangin sa lugar.

Samantala, sa kasalukuyan ay nakararanas ang Four Corners Region ng isang malawakang tagtuyot dahilan upang mahirapang apulahin ang wildfire.