Heavy rainfall warning nakataas pa rin sa ilang lalawigan base sa 8:00AM rainfall advisory ng PAGASA

Nakataas pa rin ang heavy rainfall warning sa ilang lalawigan sa Luzon.

Sa 8:00AM rainfall advisory ng PAGASA, orange warning level ang nakataas sa Zambales at Bataan.

Habang yellow warning naman ang umiiral sa Tarlac.

Ang mga residente sa nabanggit na mga lugar ay pinag-iingat sa posibleng pagbaha.

Nakasaad sa abiso na light to moderate at kung minsan ay malakas na buhos ng ulan naman ang umiiral sa Metro Manila, Cavite at Batangas

Muling maglalabas ng rainfall advisory ang PAGASA mamayang alas 11:00 ng umaga.