Tug-boat, sumadsad sa Manila Bay

Sumadsad sa bisinidad ng Manila Bay ang isang tug-boat at barge na may kargang coal o uling.

Ayon Kay Philippine Coast Guard Spokesperson, Lt. Commander Armand Balilo, inaalam na nila kung sino ang may-ari ng tugboat na ang pangalan ay Many plus 1 at ang barge na AZ Shanghai.

Sakay ng tug-boat ang sampung mga tripulante na inaalam na rin ng PCG ang mga pagkakakilanlan.

Nabatid na sumadsad sa Manila Bay ang tug-boat at barge matapos hampasin ng malalaking alon.

Halos dalawampung Metro lamang ang layo ng pinagsadsaran ng mga naturang sasakyang pandagat mula sa baywalk sa Roxas Blvd. sa Maynila.