Heavy rainfall warning nakataas sa Metro Manila at mga kalapit na lalawigan

Nakataas pa rin ang heavy rainfall warning sa Metro Manila ngayong araw kasama na ang mga kalapit na lalawigan.

Sa 5:00AM rainfall advisory ng PAGASA, yellow warning ang nakataas sa Metro Manila, Bataan, Cavite, Laguna, Batangas at Rizal.

Ito ay dahil pa rin sa tuloy-tuloy ay malakas na pag-ulan na nararanasan dulot ng Habagat.

Nagbabala ang PAGASA ng posibleng pagbaha sa nasabing mga lugar.

Samantala, mahina hanggang sa katamtamang pag-ulan at kung minsan ay malakas na buhos ng ulan ang nararanasan sa Zambales, Bulacan, Pampanga, Tarlac, Nueva Ecija at Northern Quezon.

Muling maglalabas ng rainfall advisory ang PAGASA mamayang alas 8:00 ng umaga.