Epektibo na ngayong araw ang ikalawang sunod na linggo ng rollback sa presyo ng mga produktong petrolyo.
Mababawasan ng ng 55 sentimo kada litro ang presyo ng gasolina, habang kapwa 60 sentimo naman ang tapyas sa bawat litro ng kerosene at gaas.
Kabilang sa nag-abiso ng rollback ang mga kumpanya ng Caltex, Eastern Petroleum, Flying V, Jetti, Petron, Phoenix Petroleum, Pilipinas Shell, PTT, at Total.
Sa abiso ng mga nabanggit na kumpanya, alas-6 ngayong araw ipapatuad ang bawas presyo.
Samantala, nauna nang nagpatupad ng rollback ang mga kumpanyang Petro Gazz at SeaOil kaninang alas-12 ng madaling araw.
Sa ngayon ay wala pang anunsyo ang UniOil tungkol sa rollback.
Ang oil price rollback ay dulot pa rin ng pagbaba ng presyo ng krudo sa pandaigdigang merkado.