745 pulis, binigyan ng promosyon ng DILG

Ginawaran ng promosyon ng Department of Interior and Local Government (DILG) ang 745 na pulis na lumaban sa teroristang Maute group sa Marawi noong Mayo ng nakaraang taon.

Ayon kay DILG officer-in-charge Eduardo Año, isa itong paraan ng pagpapasalamat ng gobyerno sa mga pulis na sumama simula hanggang sa matapos ang giyera sa Marawi.

Kung tutuusin, sinabi ni Año na maliit na insentibo lamang ang promosyon kung ikukumpara sa sakripisyo, dugo at pawis na inilaan ng mga pulis matapos ang limang buwang giyera.

Kasabay nito, hinikayat ni Año ang mga bagong promote na pulis na isabuhay ang kanilang dedikasyon sa tungkulin.