Babysitter, arestado matapos umanong tangayin ang inaalagahang sanggol nito

Arestado ang isang babysitter sa Virac, Catanduanes matspos umanonng tangayin nito ang 8 araw na sanggol na inaalagaan nito.

Iniulat ng nanay ng sanggol sa pulisya na nang makauwi siya bandang alas dos ng hapon ay wala na ang naturang babysitter at ang anak nito.

Nakilala ang naturang babysitter na si Jocelyn Cruzada, residente ng bayan ng Castilla sa Sorsogon.

Agad na naaaresto si Cruzada pagkadating nito sa pier ng Tabaco City matapos mapag-alaman ng pulisya na papunta siya dito.

Ibabalik naman ang naturang sanggol sa pamilya nito.