LOOK: Ilang flights kanselado dahil sa sama ng panahon

Kanselado ang ilang domestic flights ngayong araw ng Biyernes, June 8 dahil sa sama ng panahon.

Ayon sa abiso ng Manila International Airport Authority (MIAA), kinansela ng CebGo ang dalawang flights nito patungo at galing Romblon.

Kabilang sa kinansela ang flight DG 6073 Manila – Tablas at ang flight DG 6074 Tablas – Manila.

Pinayuhan ng MIAA ang mga apektadong pasahero na makipag-ugnayan sa airline company para sa rebooking o refund ng pamasahe.