Pang. Duterte, dumating na sa South Korea

Dumating na si Pangulong Rodrigo Duterte para sa gaganaping three-day official visit sa Seoul, South Korea.

Nakatakdang magpulong sina Duterte at South Korean leader Moon Jae In para palakasin ang ugnayan ng dalawang bansa sa June 4.

Maliban dito, pag-uusapan din ng dalawang lider ang trade relations ng Pilipinas at Korea at kumustahin ang lagay ng mga overseas Filipino workers (OFWs) sa naturang bansa.

Batay sa datos ng Department of Foreign Affairs (DFA), aabot sa 65,000 na Pilipino ang kasalukuyang naninirahan sa South Korea.