Nasugatan ang police officer at 2014 Mr. International Neil Perez matapos maaksidente.
Sakay ng motorsiklo si Perez o PO2 Mariano Perez Flormata Jr. sa totoong buhay nang maaksidente.
Ayon kay Jonas Gaffud ng Empire PH, naka-confine sa Metropolitan Medical Center si Perez.
Si Perez ay talent ng Empire PH.
Patuloy na sinusuri ng mga duktor si Perez pero wala naman umanong nakitang bali sa kaniyang katawan mula leeg pababa.
Nag-post din ng story sa Instagram si Gaffud kung saan makikitang nasa hospital bed si Perez.
Si Perez ay nagwagi bilang Mister International 2014 sa pageant na ginanap sa South Korea.
MOST READ
LATEST STORIES