Nagdaos ng sabayang protesta ang iba’t ibang grupo para kondenahin ang TRAIN law.
Sa pangunguna ng iba’t ibang militanteng grupo, partikular na ang Gabriela, kinalampag nila ang administrasyong-Duterte sa mga isyung lubhang nakakaapekto sa mga ordinaryong mamamayan.
Partikular nilang binabatikos ang TRAIN Law na anila ang sanhi ng paghihirap pa ng husto ng masa.
Iginigiit din ng grupo na ang tax reform package ng gobyernong-Duterte ang nagpapasirit ng presyo ng mga produktong petrolyo na nagkakaroon ng domino effect sa presyo ng iba pang mga pangunahing bilihin.
Idinaos ang mga kilos protesta sa Cubao at Commonwealth Market sa Quezon City, Trabajo at Carriedo LRT Station sa Maynila at sa Marikina Public Market.