Welcome sa Palasyo ng Malacañang ang ulat ng pasasaayos ng Pilipinas sa runway nito sa Pag-asa Island sa West Philippine Sea.
Sa pahayag na ipinadala sa media, sinabi ni Presidential Spokesperson Harry Roque na ang aksyong ito ay alinsunod sa pambansang soberanya.
“Repair of port facilities in Pag-asa is consistent with our national sovereignty and jurisdiction,” ani Roque.
Ang pahayag ng palasyo ay inilabas matapos ang ulat ng Asia Maritime Transparency Initiative (AMTI) na batay umano sa satellite images noong May 17 ay may ginagawang pagsasaayos sa isla.
Samantala, kamakailan lamang ay ipinahayag ng kalihim na pupunta si Pangulong Rodrigo Duterte sa nasabing isla sa takdang panahon bilang pagpapahayag ng soberanya ng bansa.
Ang Pag-asa Island ay bahagi ng Kalayaan Group of Islands na inaangkin din ng China.