Holdaper na kumuha ng baril sa isang security guard sa Pasay, arestado

Timbog ang hinihinalang holdaper na kumuha ng baril ng isang security guard sa Pasay.

Naganap ang pagtangay ng suspek sa guard sa isang laundry shop noong nakaraang dalawang linggo.

Naaresto ang suspek na si alyas ‘Philip’, 27-anyos at residente ng Barangay 719 sa Malate, sa isinagawang follow-up operation ng pulisya sa bahagi ng Fb Harrison.

Habang papalapit ang mga pulis, tumakbo agad ang suspek ngunit kalaunan ay nahuli rin ito.

Nakuha sa suspek ang isang kalibre .38 na baril na walang papeles.

Mahaharap ang suspek sa kasong paglabag sa comprehensive law on firearms and ammunition at pagnanakaw.