20 Vietnamese na mangingisda, arestado dahil iligal na pangingisda sa teritoryo ng Pilipinas

Dalawang bangkang pangisda na may sakay na 20 Vietnamese fishermen ang hinuli sa iligal na pangingisda sa Mangsee Island sa Palawan.

Nagpapatrulaya ang Philippine Navy Patrol Craft nang hulihin ang mga bangka ng mga dayuhan dahil sa poaching.

Ayon kay Capt. Cherly Tindog ng Western Command, nakumpiska sa mga bangka ng mga Vietnamese ang mga patay na pating at stingray.

Nasa 54 na mga patay na pating at stingrays ang narekober mula sa mga dayuhang mangingisda.

Dinala ang mga Vietnamese sa kaukulang ahensya ng gobyerno para sa tamang aksyon.

Sa ngayon ang mga dayuhan ay nasa kustodiya ng rovincial prosecutor para sa inquest.